kOEy & yOO

今日成公司去左大美督燒野食, 今年係第2年搞啦, 本來係上星期五去燒架, 但係公司有成5個病人包括我, 所以迫住要改期...

今朝就分開兩批人, 一批人去太和買野, 一批人就跟paul車出, 我就係去買野果批, 但買野既人只有3個...拎住幾袋野行去join vincent時, 兩雙手當堂長左兩吋, 重到呀! 到左大美督後, 就霸左個有樹遮蔭既爐喇, 哈哈..其實都唔洗霸既, 果度人影都唔多隻....咁我地就透定爐等班大少大小姐黎啦, 唔知係咪風水好好呢, 兩位老細分別中左雀仔糞便...哈哈...公司一定生意興隆, 貨如輪轉呀~

到左4點幾時, 我地就租左幾隻艇"餐", 幾好玩呀都唔洗我出力"餐"呀, 因為我只會令到隻艇不停係度打圈......天氣又暖番少少, 都唔錯呀唔洗食風, 但上岸時sandy慘左4條刺呀, 見alice話 : "唔痛既~" 咁好快手就幫佢挑走, 好勁, 但sandy你既表情加水汪汪既眼睛....如果係我...我又喊啦.....

上月尾同d同事去左泰國布吉玩呢...本來心情係好開心的...但出發之前一個星期就開始病...喉嚨好痛...成日cut...開唔到聲....即刻拿拿聲去睇醫生先...但食左3日藥都仲係咁...即刻轉第2個醫生啦...拎定d藥去布吉安全d...我個心成日諗去到布吉有得玩就乜事都冇啦...一定龍精虎猛呀...

第1日好早就到左機場啦, 著住條短牛仔褲加長勿都唔算好凍啫...因為好興奮呢有得玩...到埗後, 就去左食飯食藥啦, 之後去左野生森林呀...見到隻馬騮仔好得意...好後悔冇同佢影相...下次有機會一定要影...

點知....到左第2日, 早上去完哈哈島後, 下午病情就急轉直下喇...cut到停唔到...鼻水不停咁流...個鼻損晒紅晒...搞到d fd冇乜mood行街呀...真係好唔好意思呢...

第3日上午原先比晒錢去鳥蛋島浮潛...又因為我成晚不停咁cut而取消...真係超級唔好意思啦...sorry...導遊仲話夜晚帶我去睇醫生tim呀...唉...真係大吉利是...去旅行搞成咁...訓到中午就起身去做spa...幫我做spa的婆婆摸住我塊面話好hot...就拎左兩粒藥比我食 (類似panadol既物體)...食完又好似好d喎...咪問亞婆婆係咩塊子既藥...之後走去藥房配...好彩唔洗去醫生啫...好驚叫我打針呀....胃口亦都開始好番d...可以食得落ZEN的一碗牛肉烏冬啦...開心番~~~ 之後又買左好多生果返酒店食呢...

第4日主攻shopping...但行到已經悶啦...

8婆..我地下次再去攀牙彎啦...不過你咁驚水...都唔知你會唔會落水啦....玩香蕉船玩到反晒艇你都唔肯放手...我都係第1次見啦...好搞笑...個泰仔話唔會反你咁都信...都傻傻地既...哈哈...你一上隻香蕉船唔夠兩秒就反左...真係搭沉船呀....我一浮起身就問船友...emily去左邊呀....我地4個係埋一邊...而你就係隻蕉隔離喎...好勁! 之後你第1個上番條蕉度...再到我地2個女仔上...唔知係我定果個女仔問題...又拉反條蕉...哈哈...你都有今日啦....過癮嗎?

2008年黎喇! 大家快d許個願先啦~ 我都要.......希望世界和平...心想事成~ 我是真心的~ 當然好希望屋企人唔好刺激我...我唔襟激...嬲起上黎唔好怪我! 亦都是認真的! 唔想再勞氣, 亦都唔想咁快斷氣! 咁我就開心了!

唔講衰野啦... hehee....月尾又去泰國啦...好開心! 今次去布吉呀...不過未有咁快知道成唔成團呢, 你地有冇興趣呀, 多d人報名, 成團機會又大d....今次同個變態婆emily去....我真係驚忍唔住係佢玩水底慢步時蚊甩佢個罩.....其實希望佢唔好蚊甩我個罩.....

HAPPY NEW YEAR 2008! ALL THE BEST!

上星期五要test....本來諗住lunch time睇下d notes呀同assignment d answer啦....點知....食完飯走左去香工睇勿褲....冇左回事....唯有放工上學途中睇啦....但近排都好忙...要成7點半先走到....咁都冇所謂啦....亞sir話9點先開始test.....做完野拿拿聲執d notes出黎...邊d要test邊d唔洗分開....好~快走~....但我竟然攞左唔洗test果份notes走....上左地鐵先知....冇野好講....返到課室....d同學好好呀準備比左張紙比我 (係咪我個樣似唔讀書?..)....不過d字縮得太細粒....要好專注咁睇先睇到....放落筆袋...但亞sir要將袋同筆袋放係枱下面....我唔理啦...放左係大肶搵計數機遮住....但亞sir成日棟左係我隔離....都冇機會落手....唉...見到d題目好迷茫....盡我能力吹得幾多得幾多....9點半便走人.......

12月8號係我生日呀...不過都要照常返工...4點放工又係同cody去左葵涌行街....睇返個blog成日都係葵涌廣場x1000........最衰葵芳冇巴士直接到尖沙咀啦...唯有搭mtr啦...但搭左兩個站頂唔順....好攰唔想企...就係美孚落車去轉6號...但等左成3個字先有車....唉....之後到左harbour city會合henry同睇下化妝品...之後再去西灣河同好朋友dinner....個甜品"心太軟"實在係好好味...平淡而滿足既生日就係咁....多謝晒你地....多謝晒henry影既相~